Smuha: Citra

Цытра — гэта не толькі струнны шчыпковы музычны інструмент, з’едлівая рэпліка ў бок легкадумных жанчын і відавочны намёк на цытрусавую садавіну, але і папулярны гатунак хмелю. Зрэшты, яго назва ўзнікла менавіта дзякуючы асацыяцым з лімонамі і грэйпфрутамі, адценні якіх ён прыўносіць у піва. Citra — выдатны выбар для мутных і духмяных IPA. Таму мы свой чарговы сінгл-хоп хэйзі-IPA зрабілі менавіта з ім. У нас традыцыйна атрымалася піва непранікальна-жоўтага колеру з ажурнай белай пенай. Найярчэйшы цытрусавы выбух у водары з часам змяняецца тропікамі — адценнямі манга, гуавы, лічы. Смак адначасова асвяжальны, дзякуючы тонам мелісы і цэдры лайма, і сагравальны — не забываем, што гэта падвойны NEIPA. У паслясмаку праяўляецца лёгкая ванільнасць і стрыманая хмелевая горыч.