Smuha: Hallertau Blanc

Hallertau Blanc — не самы відавочны выбар хмелю для піва ў стылі NEIPA, але мы лічым, што ён дастойны нашай найбольш папулярнай лінейкі Smuha. Гэты гатунак паходзіць ад знакамітага амерыканскага хмелю Cascade, але дзякуючы еўрапейскай культывацыі і асаблівасцям клімату ён набыў новыя цікавыя рысы. Профіль Hallertau Blanc у піве часцей за ўсё параўноўваюць з белым вінаградам, бузіной, а таксама косткавай садавінай. У нашым моцным, мутным і духмяным NEIPA праявіліся ўсе гэтыя адценні, зрабіўшы піва падобным на мускат. У паху таксама заўважныя ноткі вінаграднай скуркі, ягад агрэсту, лісця смуродзіны. Смак сакавіты, насычаны, сагравальны, з лёгкай гарчынкай у паслясмаку.