Smuha: HBC 472

У новай «Смузе́» мы выкарысталі эксперыментальны хмель, выведзены кампаніяй Hop Breeding Company, які пакуль вядомы пад кодавай назвай HBC 472. Ён мае дзікую прыроду паходжання ад амерыканскага аўтахтоннага хмелю neomexicanus, што яскрава адбілася на араматычных характарыстыках HBC 472. У яго, як і генэтычна блізкага хмелю Sabro, апроч звыклых кветкава-трапічных адценняў, выразны какосавы профіль. Таксама для HBC 472 характэрныя драўняна-ванільныя тоны, што вылучае яго на фоне іншага хмелю. Уся гэтая раскоша перайшла і ў наша новае піва. Апроч ўсяго гэтага, як і іншыя гатункі ў серыі «Смуга́», піва мае непранікальны жоўты колер, ажурную белую пену, шчыльную базу і запамінальны сакавіты смак.