Smuha: Hornaja

Няма нічога дзіўнага, што на хвалі шалёнага попыту на мутныя IPA, півавары пачынаюць ствараць новая варыяцыі стылю. Mountain-Style IPA збірае лепшыя ўласцівасці олдскульных IPA з заходняга ўзбярэжжа ЗША і модныя тэндэнцыі з паўночнага ўсходу. Напрацягу гэтага году ў горных штатах мясцовыя бровары сталі выпускаць адначасова мутныя і даволі горкія гатункі — так і з’явіўся гэты стыль.

Мы пайшлі тым жа шляхам. Для нашага піва ў гэтым стылі мы выкарысталі чатыры гатункі хмелю: Amarillo, Cascade і Mosaic былі ўнесеныя на вірпул, а Citra і зноў Mosaic мы скарысталі яшчэ і для сухога ахмялення. Вынікам стала непразрыстае піва жоўтага колеру з рудым адлівам, дзякуючы жытнёвым шматкам у складзе, выразным трапічным пахам і прыемнай горыччу ў паслясмаку.