Vietraź

Мы любім не толькі модныя стылі і моцныя іх варыяцыі, але і класіку, якая ніколі не надакучыць. Праўда, і на такое піва ў нас свой погляд. Напрыклад, у бельгійскім вітбіры, які звычайна робіцца з каляндрай і цэдрай апельсіна, мы выкарысталі іншыя дадаткі. За востры пах у нашым «Ветразі» адказвае індыйскі кардамон, а за цытрусавую прахалоду — іспанскія лімоны. У выніку атрымаўся моцна карбанізаваны пшанічны эль з духмяным фруктова-кветкавым араматам, насычаным соладавым смакам і лёгкай кіслінкай на фінішы.