Vyraj: Fiejchoa

Мы працягваем серыю салодкіх IPA з дадаткам фруктаў Vyraj. На гэты раз мы на дапамогу паклікалі фейхоа. Гэта яшчэ не такі папулярны ў нас ласунак, хоць кожную восень і з’яўлецца на кірмашах і ў крамах. Апроч таго, што фейхоа вельмі смачная, яна яшчэ і карысная: гэта адзіная расліна, якую па ўтрыманні ёду можна параўнаць з морапрадуктамі. Плады гэтага вечназялёнага трапічнага дрэва маюць яскравы пах і смак, які ў піве праяўляецца адценнямі лімона, ківі, мірта, суніцаў і вострых прыправаў. У выніку атрымаўся досыць моцны і насычаны гатунак каламутна-жоўтага колеру з выразным салодка-даўкім профілем фейхоа.