Suchaviej: Hallertau Blanc

Яшчэ адна серыя, якую мы з вялікай асалодай працягваем — гэта Suchaviej. Калі мы ўпершыню вырашылі зрабіць піва максімальна падобным да віна, мы нават не ведалі, што атрымаецца так смачна. Апроч таго, што мы цалкам «высушылі» піва, мы яго падкіслілі і выкарысталі хмель, які прыўнёс пах белага вінаграду. Першы раз гэта быў новазеландскі Nelson Sauvin, а цяпер мы звярнулі ўвагу на высакародны еўрапейскі Hallertau Blanc. Ён апынуўся не менш вінаградным: з выразным пахам агрэсту і ноткамі чорнай парэчкі і бузіны — сапраўдны савіньён-блан. Упершыню гатунак будзе прадстаўлены на VI Minsk Craft Beer Fest.