Trasca: Mosaic

У сваім новым патройным IPA мы зрабілі стаўку на наш улюбёны хмель Mosaic. Мы яго ўжо не аднойчы выкарыстоўвалі ў сваіх пэйл-элях, бо ён цудоўна пасуе да такога піва. Гэта ўніверсальны гатунак хмелю, які можна дадаваць на ўсіх этапах вытворчасці піва. Ён вылучаецца яскравым трапічным пахам з адценнямі цытрусавай і косткавай садавіны. Асаблівасцямі Mosaic мы скарысталіся на поўніцу! Новая «Трасца» мае жоўта-бурштынавы колер, стойкую белую пену, фруктовы профіль з тонамі манга, ананаса і лімона, сакавітае соладавае цела і працяглую горыч у паслясмаку.