Lichamanka: Mosaic

Double IPA — класічны стыль, адзін з рухавікоў крафтавай рэвалюцыі ў свеце. Гэта заўжды моцна ахмялённае піва з інтэнсіўнай горыччу, яскравым араматам, складанай соладавасцю, шчыльным целам і заўважным мацункам.

Lichamanka: Mosaic — наша варыяцыя DIPA, звараная толькі з аднаго тыпу соладу і з дадаткам аднаго гатунку хмелю — Mosaic. Гэта ўніверсальны хмель, які можна выкарыстоўваць на ўсіх этапах вытворчасці піва. У выніку атрымалася піва залаціста-бурштынавага колеру з выразным араматам трапічных фруктаў, лёгкай саладосцю ў соладавым смаку і працяглай горыччу ў паслясмаку.

Чаму «Ліхаманка»? Хмелевыя кіслі і алеі маюць вялікі ўплыў на характарыстыкі піва: адныя дадаюць горыч, іншыя ўплываюць на смак і пах. Але гэтыя кампаненты важныя не толькі ў броварстве. Калісці горкі настой з хмелю выкарыстоўваўся нават для лячэння малярыі ці, як яе часцей называлі, ліхаманкі. Наша піва такое ж горкае і выратавальнае.