Imža: Cytrusy i razmaryn

З надыходам цёплага надвор’я мы зноў звяртаемся да піва ў стылі берлінер вайсэ, якое робім аўтэнтычным метадам змешанай ферментацыі. За конт удзелу лактабактэрый ад пачатку браджэння, кіслінка ў піва атрымліваецца больш выразнай і збалансаванай. З такім півам цудоўна спалучаюцца ягады, садавіна і зёлкі. На гэты раз за фруктовыя акцэнты ў «Імжы» адказваюць грэйпфрут і лімон, якія насычаюць піва цытрусавым пахам і пікантнай гарчынкай. Іншую грань смаку стварае размарын, свежыя расцёртыя галінкі якога дадалі духмяныя смалістыя і алеістыя тоны.