Laźnia: Biaroza i klion

Раз на год мы выпускаем адмысловы гатунак для аматараў лазні. Мы дадаем венікі напрыканцы варкі піва, каб будучы напой атрымаў асаблівыя адценні лісця. Яны цудоўна спалучаюцца з вэнджаным соладам, які мы выкарыстоўваем ў гэтым піве. Так мы спрабуем зрабіць профіль піва максімальна падобным да паху лазні па-чорнаму. Калі ў мінулыя гады мы выкарыстоўвалі выключна бярозавыя венікі, то ў гэты раз вырашылі дапоўніць іх яшчэ і кляновымі венікамі, каб разнастаіць смак піва. Вынік працы — лёгкае піва саламянага колеру з драўлянымі і тарфянымі адценнямі і мяккім хмелевым паслясмакам.