Bahna

Мы даўно абмяркоўвалі ідэю сумеснага піва з нашымі сябрамі з Jungle Brewery — і нарэшце яе рэалізавалі! Для калабарацыі быў абраны імперскі стаўт, але ў не самай распаўсюджанай варыяцыі. Беларусь, вялікая частка якой пакрытая балотамі, багатая на торф. Па яго здабычы наша краіна займае адно з першых месцаў у Еўропе. Торф актыўна выкарыстоўваецца ў нас як паліва і ўгнаенне, а, напрыклад, у Шатландыі на ім, апроч усяго, сушаць солад, з якога потым робяць знакаміты віскі, чый пах і смак не паблытаеш ні з якім іншым. Мы вырашылі выкарыстаць такі солад у якасці базы нашага стаўта. Ён насыціў піва яскравымі дымнымі нотамі і характэрным фенольным профілем з адценнямі крэазоту. Разам са шчыльным і моцным целам гэта стварае запамінальны напой, які спадабаецца аматарам чыгуначных вандровак і доўгіх вечароў на прыродзе з келіхам смачнага і складанага піва.