Chmara: Calvados BA 2022

Наша ўлюбёная серыя імперскіх аўсяных стаўтаў пад назвай Chmara цяпер атрымае версію, выхаваную часам і дубам. Гэтая версія была звараная з вялікай колькасцю цёмнага і спецыяльнага соладу, аўсяных шматкоў, ферментаваная павольна і доўга, а затым адпраўленая адпачываць у толькі што спустошаную бонду з-пад кальвадосу больш чым на год. Атрымаўся цудоўны ліпкі сіроп з водарам свежаспечанага яблычнага пірага з карыцай, духмяных квітнеючых яблыневых садоў і адценнем смажаных кававых зерняў. Ён працуе як машына часу і прасторы і пераносіць вас на пагоркі французскай Брэтані з бясконцымі яблыневымі гаямі, некаторыя з іх даўно забытыя і закінутыя, але ўсё яшчэ свежыя, духмяныя і заспакаяльныя.