Chvalia: Kivi i marakuja

Кісла-салодкія элі — новы цікавы трэнд, які мы падтрымліваем у межах серыі «Хваля». Такія напоі ўдала спалучаюць кіслую базу піва, саладосць ад лактозы і профіль садавіны, якая дададецца на другаснае браджэнне. У гэты раз мы скарысталі ківі, які сам па сабе мае кіслы смак, а таксама пюрэ маракуі, якое насыціла піва трапічнымі адценнямі. У выніку атрымаўся мульціфруктовы сок — адначасова салодкі і крыху даўка-кіслы, насычаны і піткі, здольны спатоліць смагу і падарыць вясёлы настрой.