Halaklin

Halaklin — працяг аднайменнай лінейкі кісла-салёных эляў, якую мы пачалі з гозэ з дадаткам буракоў. Новае піва мае больш класічны выгляд і смак. Яно зроблена з дапамогай аўтэнтычнай практыкі no-boil, то-бок без кіпячэння сусла, і зброджанае ўласным блэндам лактабактэрый і дрожджаў. Дзякуючы гэтаму піва атрымала затуманена-жоўты колер, выразны малочнакіслы водар з сярністымі адценнямі і асвяжальны смак з яскравай кіслінкай і стрыманай салёнасцю. Мы таксама дадалі невялікую колькасць гранатавага пюрэ, каб яшчэ больш падкрэсліць кісла-даўкі профіль піва і атрымаць лёгкі фруктовы посмак.