Halaklin: Burak

Серыю нашага піва ў стылі гозэ мы вырашылі назваць «Галаклін». Пад гэтым тэрмінаму у гідралогіі вызначаюць зону хуткага ўзрастання салёнасці, якая пераходзіць у павольнае і плаўнае змяненне салёнасці ў глыбінных водах. Гэта цалкам адпавядае сэнсу нашых гозэ з рознымі дадаткамі і шматслойным смакам.

Halaklin: Burak, як можна зразумець з назвы, зроблены з дадаткам буракоў. Калі вы ніколі не пілі бураковы сок і ўяўляеце гэтую расліну выключна часткай салатаў і супоў, смак гэтага піва для вас будзе сапраўдным сюрпрызам. Мы дадавалі буракі на ўсіх этапах вытворчасці піва: ад зацірання да другаснага браджэння. У выніку атрымалася стварыць насычаны і складаны гатунак шалёнага бураковага колеру са стрыманым кісла-салёным профілем і адценнямі чырвоных ягад і зямлістых карняплодаў.