Jumis
Calvados Barrel Aged Belgian Style Wheatwine
Колькі розных інгрэдыентаў можна выкарыстаць у адным піве? Наколькі цікавым можа быць піва з такімі інгрэдыентамі? Што ж, вырашаць вам, але вось гісторыя. Некаторы час таму мы зварылі пшанічнае піва ў бельгійскай традыцыі — не вельмі асвяжальнае, але насычанае і моцнае. З самага пачатку мы пачалі гуляць з незвычайнымі інгрэдыентамі: мы дадалі пры варцы трохі духмяных і свежых пялёсткаў руж, а затым заправілі напой незвычайным і прыгожым перцам піпалі (які цяпер з’яўляецца рэдкасцю, але быў добра вядомым у Старажытнай Грэцыі і Рымскай імперыі, але пазней выцесненым з шырокага ўжывання чорным перцам і перцам чылі) з далёкай Паўднёва-Усходняй Азіі. Мы ферментавалі гэтае піва класічнымі бельгійскімі дражджамі для вітбіра, а пасля вытрымлівалі, дадаўшы невялікую колькасць пюрэ бергамота. Хтосьці можа сказаць, што гэтага цалкам дастаткова для піва, але мы пайшлі далей і пералілі яго ў бонду, якую напярэдадні вызвалілі ад кальвадоса. Пасля больш чым гадавога павольнага паспявання мы разлілі піва па бутэльках і пакінулі на пэўны час, каб яно загазавалася і атрымала мяккія і пухнатыя аблачыны маленькіх бурбалак. Вынік — прыгажосць, стрыманасць і збалансаванасць, нягледзячы на незвычайныя інгрэдыенты. Гэта эліксір залаціста-меднага колеру, які можа ператварыць вас у зусім іншую істоту, таму, калі ласка, будзьце асцярожнымі, але адначасова будзьце дастаткова цікаўнымі, каб пакаштаваць яго.
Характарыстыкі піва
Стыль | Wheat Beer |
---|---|
Дата выпуска | 15.05.2024 |
ABV | 6,8% |
OG | 19.5° |
Выпуск | Аднаразовы |
Асаблівасці | Абмежаваная партыя, Вытрыманае ў бондзе |
Фасоўка | Бутэлькі |
Смак | алкагольны, бондавы, бельгійскі |
Інгрэдыенты
Солад | Pilsen, Wheat, Flaked Wheat |
---|---|
Іншыя дадаткі | піпалі, бергамот, ружа |