Kava: Rwanda Gesheke

Новае піва ў серыі кававых стаўтаў зроблена з дадаткам 100-адсоткавай афрыканскай арабікі Rwanda Gesheke, адмыслова падрыхтаванай для нас кампаніяй Kitchen Coffee Roasters. Гэтая кава робіцца з гатунку Red Bourbon, які расце на вышыні амаль дзве тысячы метраў у рэгіёне Нямашэке ў Заходняй Руандзе. Ён характарызуецца паўнацелым фруктовым смакам, які ў каве Rwanda Gesheke вылучаецца адценнямі чарніцы і смуродзіны, а таксама лёгкімі ноткамі шакаладу і фіялкі. Смак у яе вельмі мяккі са сметанковай тэкстурай, амаль без горычы і кіслінкі, таму і піва атрымалася шчыльным, аксамітным, больш вінным, без залішніх спражаных тонаў.