Lichamanka: Zappa

Хмель Zappa адносіцца да групы neomexicanus. Такія гатункі даволі рэдка можна сустрэць сярод інгрэдыентаў еўрапейскага піва. Яны дзіка растуць у засушлівых горных раёнах Нью-Мексіка. Як лічаць даследчыкі, гатункі neomexicanus ніколі не крыжаваліся з еўрапейскім хмелем. Нарэшце зрабіць піва з такім хмелем змаглі і мы. Zappa названы ў гонар знакамітага амерыканскага музыкі Фрэнка Запы. Дзікі і свабодны гатунак, як музыка, напісаная Фрэнкам, складана апісаць і параўнаць з іншымі. У нашым піве Zappa прадэманстраваў усю сваю разнастайнасць: вы можаце адчуць як фруктовыя і цытрусавыя адценні маракуйі і лімона, так і хвойныя і травяністыя — з лёгкімі хвойнымі, мятнымі, вострымі і нават часнычнымі тонамі. Аднасоладавая база піва ня адцягне на сябе ўвагу і дасць вам магчымасць цалкам разабрацца ў складанасці гэтага незвычайнага хмеля.