Mičelada: Mandaryn & Allspice

У новай ітэрацыі нашага таматнага гозэ ў стылі мексіканскага кактэйлю мічэлада мы пайшлі па шляху новых смакаў у знаёмых гатунках. Разам са звыклай шчыльнай таматнай базай за незвычайныя пачуцці адказвае сакавіты мандарын, дзіўная ямайская спецыя allspice (больш вядомая ў нашай краіне як духмяны перац, ці, нават, ангельскае зелле), якая дадае цікавыя араматы гваздзікі і карыцы, а соль, вэнджаная папрыка, чылі, часнык і сушаныя ягады турэцкага дрэва сумах сваім выразным смакам лімонаў і бальзаміка злучаюць усё гэта ў непаўторны мікс. Salud!