Navaĺnica: Cognac BA

Доўгі і вельмі доўгачаканы калаб з хлопцамі з Jungle Brewery. Амаль два гады таму мы разам зварылі класічны, шчыльны барлівайн прыгожага медна-вішнёвага колеру, у якім на заціранні скарысталі вялікую колькасць спецыяльных саладоў. Яны прыўнеслі мяккасць і асаблівы смак вяршковай карамелі і шакаладнага печыва да шчыльнай і сагравальнай базы. Але ж мы не спыніліся на гэтым, і адправілі адпачываць гэты прывабны і падступны напой у дубовую бонду з-пад сапраўднага французскага каньяку, зробленую з сапраўднага французскага дубу, дзе ён правёў больш за год, акругліўся і ўвабраў у сябе багатыя араматы цёмных сухафруктаў, цукерак з каньяком, карамелізаваных арэхаў і лёгкія дубовыя ноткі. Мы ўпэўненыя, што для добрага напою няма абмежаванняў у выглядзе сезонаў, адлегласцяў і часу. Галоўнае — вынік.