Saĺsa: Habanero Mix

У новай ітэрацыі нашых звышвострых таматных гозэ з лінейкі Salsa мы пайшлі новым для нас шляхам і з дапамогай нашага пякучага сябра Дзмітрыя Герасімава самі вырасцілі ўласныя перцы хабанэра. Пасля таго, як позняй восенню мы сабралі д’ябальскі ўраджай, мы павольна ферментавалі жоўтыя, чырвоныя і зялёныя перцы разам з духмяным часныком і дадалі атрыманы мэш у нашую класічную, крыху вэнджаную таматную базу. Спадзяемся, гэты цікавы эксперымент пакіне вас задаволенымі і са слязамі шчасця ў вачах!