Saĺsa: Vendžanaja

Лакальнае вар’яцтва вакол вострага таматнага піва не абмінула і нас. Мы ўжо выпусцілі некалькі такіх гатункаў у абмежаванай колькасці для нашага тапрума, а цяпер запускаем лінейку Saĺsa. У ёй будуць выходзіць розныя напоі з таматамі, а распачынаем яе з вэнджанай варыяцыі. У першую сальсу мы дадалі два розных соусы табаска, чылі перац, мексіканскі соус чылі, тры віды папрыкі — стручковую, вэнджаную і вострую вугорскую, чорны перац, а таксама часнык, крыху пятрушкі, кропу, хмелі-сунэлі, насыціўшы гэта ўсё натуральным дымам. Гэтыя прыправы зрабілі шматгранны складаны профіль, даючы роўную вастрыню на працягу ўсяго глытка, якая цудоўна спалучаецца са шчыльнай таматнай базай піва.