Slota: Simcoe
Belgian-style IPA
Гэта — другі гатунак у лінейцы «Слота», прысвечанай IPA ў бельгійскай стылістыцы. Такая варыяцыя вылучаецца на фоне іншых IPA за конт дадатковых фенольных і эстэрных адценняў, дзякуючы адмысловым штамам дрожджаў. У гэты раз дапаўняе дражджавы профіль амерыканскі хмель Simcoe найноўшага ўраджаю. Ён ўтрымлівае даволі шмат альфа-кісляў, якія адказныя за горыч, а таксама іншыя алеі, якія фармуюць пах і смак піва. Вынікам гібрыднага стылю стала крыху затуманенае залаціста-жоўтае піва з асвяжаючым пахам цытрусаў і ягадаў, да якіх далучаюцца лёгкія тоны молатага перцу і гваздзікі. Смак чысты, соладавы, з выразнай горыччу і адценнямі абрыкоса і хвоі ад хмелю.
