Smuha: Citra & El Dorado

Часцей за ўсё мы робім свае New England IPA з адным гатункам хмелю, каб падкрэсліць асаблівасці кожнага з іх. Але часам адыходзім ад гэтай канцэпцыі. У гэты раз у «Смузе» выкарыстаныя Citra і El Dorado. Чаму менавіта такая пара? Яны розныя па сваіх характарыстыках, але маюць агульныя гены ад дзікага амерыканскага хмелю. Далёкія суродзічы аб’ядналіся ў піве, каб перадаць у яго найлепшыя рысы: цытрусавы водар з тонамі мелісы і цэдры лайма ад Citra і трапічна-ягадны смак з адценнямі кавуна, грушы і ананаса ад El Dorado. Усё гэта разам з непранікальна жоўтым колерам піва робіць яго традыцыйна падобным на мульціфруктовы сок.