Vieras

Даволі шмат паралеляў можна правесці паміж нашай краінай і Шатландыяй. Менавіта таму вельмі шкада, што мы недастаткова цікавімся яе гісторыяй і культурай, бо ў іх – таксама і адлюстраванне нашага жыцця. У новым гатунку мы вырашылі звярнуцца да броварства гэтай паўночнай краіны Туманнага Альбіёну. Гістарычна ў Шатландыі знайсці хмель было даволі складанай справай, таму ў лакальным піве рабілі ўпор на багаты соладавы засып, а ў якасці альтэрнатывы хмелю ў былыя часы выкарыстоўвалі той самы верас – нацыянальны сымбаль краіны. Хмелю ў нас больш чым дастаткова, таму наш шатладскі эль мы ашчадна ахмялілі продкам горнага гатунку Kazbek з непакорнага Каўказа, які прыўнёс ледзь заўважныя водары карамелізаваных цытрусавых. Тонкая гарката хмелю прыемна балансуе шчодры соладавы смак тофі з лёгкім адценнем араматнага восеньскага лісця. Slàinte mhath!