Vietraź: Hrejpfrut i čorny kardamon

Нягледзячы на дажджы і іншыя неспрыяльныя ўмовы, мы дачакаемся яснага летняга неба. Падтрымаць аптымістычны настрой усім нам дапаможа новае пшанічнае піва ў бельгійскай традыцыі. У межах лінейкі «Ветразь» мы змяняем класічныя дадаткі — цэдру апельсіна і каляндру — на іншыя цытрусавыя і прыправы. Гэтым разам мы выкарысталі свежыя грэйпфруты, якія прыўнеслі цытрусавыя адценні, а таксама чорны кардамон — ён адказны ў піве за смольныя і ледзь заўважныя вэнджаныя ноткі. Вынікам стала піва саламянага колеру з характэрным вітбіраўскім профілем, у якім дамінуюць пшанічная база і эстэрныя тоны, а дапаўняюць яго духмяныя нюансы ў паху і лёгкая кіслінка на фінішы.