Smarahd: Wet Hop Pils

Мы марылі аб гэтым вельмі доўга. У самым пачатку незвычайна цёплага верасня каманда бровара Маланка адправілася ў незабыўную вандроўку на самы поўдзень Беларусі, у адзіную ў краіне хмелеводчую гаспадарку. Залітыя сонцам прасторы паўднёвых палей, бясконцыя смагардавыя плантацыі хмелю, крыштальна чыстая і мяккая вада мясцовых вадаёмаў – усё гэта наштурхнула нас на думку аб тым, якім павінен быць новы гатунак з ўжываннем гэтага самага, свежага, некранутага прамысловымі печамі ці лядоўнямі, хмелю. Смарагд – пілснер у нямецкім стылі, колеру саламянага шкла, выразна горкі і бясконца араматны, напоўнены водарамі кветкавых лугоў і сакавітых шышак броварскіх ізумрудаў, збалансаваны, але не банальны, вытанчаны, але свойскі і такі блізкі. Мы вытрымалі наш пілс пры нізкіх тэмпературах акурат столькі, сколькі трэба, каб не згубіць каштоўныя смакі найсвяжэйшых гатункаў Magnum і Tettnanger, уласна сабраных супрацоўнікамі гаспадаркі з нашай невялічкай дапамогай і адпраўленых як мага хутчэй на бровар. І, безумоўна, вельмі спадзяемся, что вам спадабаецца бавіць час са сцюдзёным келіхам гэтага ўнікальнага для беларускага броварства гатунку.