Poklič

Гісторыя гэтага піва пачалася некалькі гадоў таму, калі, яшчэ займаючыся хатнім броварствам, мы сталі эксперыментаваць з пякарнымі дрожджамі. Апынулася, што пры пэўных умовах, яны могуць даваць піву вельмі цікавы смак, падобны да таго, што робяць бельгійскія штамы. Праз некаторы час мы вырашылі зварыць піва выключна з беларускіх інгрэдыентаў, а ягоная прэм’ера прыйшлася на святочныя сакавіцкія дні 2018 году.

Ідэя і вынік нам вельмі спадабаліся, таму мы ўключылі гэта піва, захаваўшы нават першапачатковую назву, у спіс гатункаў бровару Malanka. Яно мае чысты профіль з выразным пахам і смакам беларускага хмелю — з адценнямі кветак і зёлкаў.