Dym: Ajva

Не спыняемся захапляцца старадаўнім нямецкім півам ліхтэнхайнер, таму зноў зрабілі гатунак у такім рэдкім стылі. Гэта лёгкае і кіслае піва робіцца з выкарыстаннем вэнджанага соладу, добра пасуе да цяперашняга надвор’я і выдатна спалучаецца з летнімі стравамі. У гэты раз мы выкарысталі солад, які сушыцца на торфе — ён прыўнёс яшчэ больш вэнджаных адценняў піву, а таксама дадалі айву, сабраную на адной з фермерскіх гаспадарак паўночнага захаду Беларусі. Гэтыя плады рэдка ўжываюць у свежым выглядзе, бо яны вельмі кіслыя і вяжучыя. Але ў напоях айва раскрываецца сакавітым пахам і далікатным смакам. У выніку атрымалася асвяжальнае піва з прыемным дымным пахам, выразнай кіслінкай і даўкім смакам айвы.