Piarevaracień: Smurodziny

Надышоў час для нашага таямнічага, падступнага і міфічнага «Пярэваратня». Гэта рэдкі гатунак, які з’яўляецца ў нашай лінейцы падчас даволі змрочных восеньскіх святаў — старога кельтскага Самайна і больш блізкіх да нас Дзядоў, калі мяжа звыклага і тагасветнага ўжо не такая відавочная. У падвойны чорны эліксір, салодкі і мяккі, мы дадалі сок чорных смуродзін, каб падкрэсліць цікавую супярэчліваць нашага «Пярэваратня», і ўзмацнілі ўсе гэтыя пачуцці настоем зуброўкі (алкагольнага напою) на сапраўднай зуброўцы (траве). Асцярожна, з дапамогай гэтага напою можна пераўтварыцца ў зусім іншую істоту!