Zavieja: Sabro & HBC 630

У новым піве ў лінейцы «Завея», у межах якой мы выпускаем мутныя і сакавітыя NEIPA з сумессю некалькіх гатункаў хмелю, акцэнт зноў зроблены на аўтахтонны амерыканскі хмель neomexicanus. Першы — Sabro — адзін з галоўных герояў крафтавага руху апошніх двух гадоў. Ён мае шматгранны, складаны, але вельмі прывабны профіль, які робіць яго ідэальным для NEIPA. Sabro дадаў у наша піва характэрныя ноткі какоса і косткавай садавіны з тонкімі адценнямі кедра, мяты і зялёнай гарбаты. Дапаўняе гэту араматычную раскошу эксперыментальны хмель пад кодавай назвай HBC 630, які толькі-толькі пачынае экспансію. Дзякуючы яму піва набыло адценні вішняў і малінаў, а таксама ноткі персіка і банана.